Delicada ilustración baseada na identidade e lingua galegas, cuia finalidade é comunicar coa axuda do inglés, sentimentos vencellados á terra dun xeito bonito. Detrás do proxecto está Leticia Castro, comunicadora, deseñadora gráfica e directora de arte.
Os seus produtos (tazas, camisetas, etc.) defínense a través dunha estética coidada e unha precisa escolla das cores utilizadas. Son fabricados de xeito sostible e usando materia prima ecolóxica dende a primeira puntada. Mesmo o packaging onde os produtos van presentados é feito artesanalmente con esa mesma filosofía.